bahagharing laot

its my first time writing something with a somewhat political theme hehe lolx

"bahagharing laot"
by paolo macariola


bahaghari kang dumapo
sa pinakataimtim na dalangin sa paglalayag
ng isang marinerong pumapalaot
sa madaling araw

bitbit ang lambat na
mangangahas sumisid at mang akit
ng mabibigat na isdang ipambibili
ng mga pangarap
sa lupang kailanmay di nagbigay
ng sapat na ani
para sa kumakalam na sikmura
diligan man ng pawis o dugo

ikaw ang bahagharing
inaasahang magpakita
matapos bumaha ng
magsasaka, marinero at mangagawa
sa bukid ng karapatang
kinakalbo sa sapilitang pag ani at marahas
na pagbayo sa boses ng mga pangkaraniwang tao

bahaghari kang hangang ngayoy nabubuhay lamang
sa mga taimtim na dalangin
ng isang marinerong bansang
nalulunod sa di maiwasang pagtalikod
sa takipsilim ng pangarap